MWC-ის გაუქმების გამო უამრავი სმარტფონის მწარმოებელი შეეჩვია უკვე მათი მოწყობილობების ონლაინ რეჟიმში წარდგენას. მიუხედავად იმისა, რომ კომპანია Samsung-მა Galaxy S20 სერიის წარდგენა გლობალური პანდემიის დროს მაინც შეძლო, სამწუხაროდ იგივეს უკვე მის მომდევნო ღონისძიებაზე ვეღარ შეძლებს.
კორეული გამოცემების თანახმად, Samsung-ს უკვე გადაწყვეტილი აქვს, რომ Covid-19 -ით გამოწვეული პრობლემებისა და უსაფრთხოების დაცვის გამო მათი ახალი ფლაგმანური სმარტფონები ისტორიაში პირველად მათ ონლაინ რეჟიმში წარადგინონ. ასევე გავრცელებული ინფორმაციების თანახმად, მიმდინარე ღონისძიებაზე Galaxy Note20 სერიის პრეზენტაციას შეუერთდება Galaxy Fold 2-იც.
რაც შეეხება ღონისძიების ონლაინ რეჟიმში წარმართვის თარიღს, ამის შესახებ ამ დრომდე არ ვრცელდება ინფორმაცია, თუმცა სავარაუდოა, რომ ახალი ფლაგმანური სმარტფონების წარდგენა ტრადიციულად მიმდინარე წლის აგვისტოს თვეში ვიხილოთ.